गीत जात सपाखरो
चावी नमो नवेखंडां
खंडां ब्रहमंडां आप चंडी ,
देवी मेहासधू महा
अंबिका देसांण !!
करवा सहाई आई करणीजी
किनीयांणी ,
प्रचाळ वडाळ मात आवड़ा
प्रमांण !!१!!
ईहगां अपार पार आपको
औधार ईळा ,
मार डार खळां दळां
दूरा करे मात !!
संसार चौधार सार आपने
नमावै शीश ,
सारणी चारणी काज सो
तुंही सोहात !!२!!
खांडाळी डाढाळी देवी
खांडे खळां खपावणी ,
नमावणी मेहासधू अरियां
रा नाक !!
काबुल कंधार सिन्ध
हिन्द में कायम केवे ,
होवे दशे दिशां बजै
तुंहाळी ज हाक !!३!!
आसरो सदाई माई मेहाई
सवाई आई ,
दुहाई चलाई देवी आंण
री दयाळ !!
करे हेत मीठो मीर
गुण मां तिहारो कहै ,
किजो भीर किनीयांणी
करणी कृपाळ !!४!!
मीठा मीर डभाल
कोई टिप्पणी नहीं:
एक टिप्पणी भेजें