दूहा
 |
| karani mata |
चाळराय रे ज़ाऴरी,झाली सेवक झंब ।
दिन वळियो,टळियो विघन,आंगण फळियो अंब ॥१॥
कुंभ बोलाडण कारणै,मावल करियो मन्न ।
आमंत्रण सुण आवजो, सातां बहऩां सत्थ॥२॥
नवदुरगानां निमंतरां,नवदुरगानां निमंतरां नवलाख।
होड क्रोड हरकत हुवे,हिंगऴाज रथ हांक ॥३॥
देहसे जंजीरां रोक दुःख, परा बेडी खऴ पेच ।
बाऴक तेडी आवजे, नेडी चाऴकनेच ॥४॥
घंट रमण लागो घुमण,नवमुख किया निहाल ।
माई विराजै उभट,सहुवांणी सुभ भाऴ ॥५॥
छंद
सुभ भाळक देव,संभाळक सेवग, झाऴ बंबाळक रोष झडै ।
विकराळक सिंह चडै बिरदाळक ,खेतरपाळक अग्र खडै ।
चख नक्ख सरुप रचै चिरताळक दांणव गाळक शुंभ दयो ।
प्रतपाळक बाळक,रोग प्रज़ाळक,जोगण चाळक नेच जयो ॥१॥
देवी जोगण चाळक नेच जयो॥१॥
रण ताळक,झाळ शत्रां शिर राऴक कै महिपाऴक सेव करै ।
चमराळक शीश ढुऴाळक चौसठ तेज उजाऴक भांण तरै।
अकडाऴक घाट घडाऴक ओपत थाट थडाऴक आंण थयो ।
प्रतपाळक बाळक,रोग प्रज़ाळक,जोगण चाळक नेच जयो ॥२॥
देवी जोगण चाळक नेच जयो॥
भरळक्क त्रिशूऴ, बणै अंग भूषण,कोर जरी परऴक्क किये ।
नचता खरळक्क पगां बजै नेवर,हारनगां हरऴक्क हिये ।
परळक्क पहेप का फुल झडै मुख,तेज रवि झरळक्क तयो।
प्रतपाळक बाळक,रोग प्रज़ाळक,जोगण चाळक नेच जयो ॥३॥
देवी जोगण चाळक नेच जयो॥
चट पट्ट पटंबर पेहर चोसठ,नाच अघट्ट अमट्ट नचै ।
अट मट्ट मुगट्ट धरै शिर उपर,रास सुभट्ट प्रगट्ट रचै ।
झणणट्ट सुघट्ट बजै पग झांझर,थाट थडां थणणट्ट थयो
प्रतपाळक बाळक,रोग प्रज़ाळक,जोगण चाळक नेच जयो ॥४॥
देवी जोगण चाळक नेच जयो॥
धंम धंम नचै धंम धंम बजै,धर जेवर पे ठम ठंम नथां।
नमनंम भवानीय चामुंड नाचत है डमरु डमडंम हथां ।
चम चंम आभुखण अंग चमंकत भांण उदैगिरी जांण भयो ।
प्रतपाळक बाळक,रोग प्रज़ाळक,जोगण चाळक नेच जयो ॥५॥
देवी जोगण चाळक नेच जयो॥
नमकै ढमकै ठमकै पग नुपूर,चूड भुजां दमकै, चमकै ।
चमकै दुह कुंडळ कानन का,छत्र छागळिया रमकै छमकै।
समकै सिंदुर री रेख संवारत भाऴ कंकु अभकै भरियो।
प्रतपाळक बाळक,रोग प्रज़ाळक,जोगण चाळक नेच जयो ॥६॥
देवी जोगण चाळक नेच जयो॥
चलतां ललकार हिलोमिल चोसठ,हाक भेरु हलकार हसै।
नचतां भलकार वळोवळ नाचत,लाल चुडी मलकार लसै।
तिलकां झिलकार करै पलकां तिस प्रेत मुखां बल्लकार पयो ।
प्रतपाळक बाळक,रोग प्रज़ाळक,जोगण चाळक नेच जयो ॥७॥
देवी जोगण चाळक नेच जयो॥
चंड-मुंड घमंड विखंड के चामुंड,नव खंड-अरु ब्रहमंड ऩमै।
परचंड हुडंड भुडंड प्रखंडज तुंड मुंडा गऴमाऴ तमै ।
झुंड जोगण थुंड उभंड झटोझट,खंड-रु-चंड -व्रहंड-खयो।
प्रतपाळक बाळक,रोग प्रज़ाळक,जोगण चाळक नेच जयो ॥८॥
देवी जोगण चाळक नेच जयो॥
खळ-थोगण-थोग-अरोगण खुपर,छेडत जोगड जोश छिलै।
मद भोगण,मांस अरोगण,मैमत,घाव त्रमोगण दैत घिलै।
अंग-रोग-ना-भेट सकै अरु-औगण,क्रित अमोगण रीत कयो।
प्रतपाळक बाळक,रोग प्रज़ाळक, जोगण चाळक नेच जयो॥९॥
देवी जोगण चाळक नेच जयो॥
बज डाक,त्रंबाक,ध्रबांक-त्रिशूऴ-व्है,हांक चंडी नवलाख हमै।
पड-ध्राक-नरां-चड-चाक प्रथी पर,नाक-सुरां-असुरांक-ऩमै।
मद-छाक,ऎराक-पियाक-हमै-सई-लो-बकराक-कराय लियो ।
प्रतपाळक बाळक,रोग प्रज़ाळक,जोगण चाळक नेच जयो॥१०॥
देवी जोगण चाळक नेच जयो॥
झणणाट बजै,नचतां पग नेवर,व्योम-डंका गणणाट बजै ।
खफरां खणणाट हुवै रत खावण,छोळ रतरां छणणाट छजै ।
नचतां छणणाट पगां बज ऩेवर छत्र-छटा छणणाट छयो।
प्रतपाळक बाळक,रोग प्रज़ाळक,जोगण चाळक नेच जयो ॥११॥
देवी जोगण चाळक नेच जयो॥
ब्रहमाणीय,वाणीय,वेद वंचाणीय,जाणीय, मांनीय,चार-जुगों।
असुरांणीय,घांणीय,मार उडाणीय,खेल भवांनीय,मेल खगों ।
शगतांणीय बो बहऩां सह-सांतूय नाच रुद्रांणीय घाट नयो।
प्रतपाळक बाळक,रोग प्रज़ाळक,जोगण चाळक नेच जयो ॥१२॥
देवी जोगण चाळक नेच जयो॥
चाऴराय-सहाय,वधायसु चारण,गाय बजाय रिझाय गुणों।
सुर राय, नमो महामाय,सुरांपत,खाय-खऴां खुफ्र-बाज खणो।
गढ गांव देराय ,चढाय गजां पर,आद भवांनीय साय अयो ।
प्रतपाळक बाळक,रोग प्रज़ाळक,जोगण चाळक नेच जयो ॥१३॥
देवी जोगण चाळक नेच जयो॥
बुधिवांन निधान समो बलवाऩ है,थापनां थांन सुथांन थपं।
मेरवांण हुवो सुभ यान मया जांण जुगांण जहांण जपं।
महादांन ब्रदांन ब्रवै मन 'मावल' चैन सदा अनुमांन चह्यो।
प्रतपाळक बाळक,रोग प्रज़ाळक,जोगण चाळक नेच जयो ॥१४॥
देवी जोगण चाळक नेच जयो॥
छाप्पय
जात चाऴ-कनै जाय,आस कर कवियण आवै।
प्रथम दरस्सण पाय,पात नवे निधि पावै।
नमो आदि-अन्नादि,नमो मां चाऴक-नेची।
गुण गांवां हिंगोळ, रवेची,थुं डुंगरेची।
कोहेला शिखर सरसी कऴा,गढ-दांते अंबा गणी ।
शगत मात अरजी सुंणों,जिकां विरदां जोगणी॥१॥
कोई टिप्पणी नहीं:
एक टिप्पणी भेजें